Gjöf sem gefur
Flokkar gjafabréfa
Hjálparstarf kirkjunnar
 

Gjöf sem heldur áfram að gefa


Öðruvísi gjöf
Í gjafaverslun Hjálparstarfs kirkjunnar hér á vefnum færðu vörur sem þú færð hvergi annars staðar. Þú færð gjöf sem móttakandinn hér heima gleðst yfir og sá sem fær andvirði hennar, hér heima eða úti í heimi, verður enn kátari. Því hvort sem það eru, hænur eða heilt hús fyrir munaðarlaus börn þá eru það gjafir sem geta umbreytt lífinu fyrir fátækt fólk.

 
Unnið með fólki
Hjálparstarf kirkjunnar hjálpar þar sem þörfin er mest. Við erum alltaf í samstarfi við fólk, kirkjur og samtök á hverjum stað. Það fólk þekkir best vandann sem glímt er við og leiðir til að leysa hann. Okkar hugmyndum og lausnum er ekki þröngvað uppá fólk og þess vegna eru allar gjafirnar sem þú getur keypt hér, eitthvað sem örugglega vantar og örugglega kemur að gagni.

 
Hvert fer peningurinn minn?
Þú velur gjöfina og ákveður þannig í hvað peningarnir þínir fara. Andvirði þinnar gjafar fer í að kaupa það sem þú biður um. En til þess að áhugi okkar hér heima verði ekki þörfinni úti yfirsterkari höfum við sett gjafirnar saman í flokka. Þannig er hægt að hafa nauðsynlegan sveigjanleika í stuðningi okkar við þá sem þurfa á hjálp okkar að halda.  Þú sérð m.a. á litakóðanum á gjöfunum að þeim er skipt í fjóra flokka.

1.
Börn styrkt til náms

2. Ungmenni læra til að tryggja betur framtíð sína

3. Húsdýr, öflugri jarðrækt og umhverfisvernd

4. Vatn og heilsa – grunnur að öllu öðru

Ef þú kaupir geit geturðu verið viss um að peningurinn fer beint í húsdýra- og jarðræktarverkefni okkar. Þegar allir sem eiga að fá geitur, samkvæmt áætlun verkefnisins, hafa fengið hana fær næsti t.d. jarðræktaráhöld og fræ. Eins ef þú kaupir vatn þá veistu að fyrir þína peninga verður fólki útvegað hreint vatn eða annað það sem stuðlar að betri heilsu þess. Við gröfum brunna og setjum upp vatnstanka. En þegar því er lokið samkvæmt áætlun hvers árs, fara peningarnir í fótstignar pumpur til að dæla vatni á akra, fræðslu um hreinlæti, smitleiðir og heilsu og t.d. smokka. Allt innan flokksins Vatn og heilsa. Með þessu móti gefur þú gjafir sem þú vilt gefa og gjafir sem fólk vantar.

 
Karfan er tóm

SVONA VIRKA GJAFABRÉFIN

1. Þú skoðar gjafirnar hér og velur þá sem þér líkar best.

2. Þú flettir áfram og skrifar kveðjuna þína inn á gjafabréfið.

3. Þú fyllir út greiðsluupplýsingar og velur afgreiðslumáta.

4. Þú prentar út bréfið, sækir það til okkar eða við sendum það þangað sem þú vilt.

5. Skiptu kaupunum niður ef þú kaupir mörg bréf, ef svo færi að nettengingin þín skyldi slitna. Þá tapast pöntunin.


 
Hjálparstarf kirkjunnar  |  Háaleitisbraut 66  |  103 Reykjavík  |  Sími 528 4400  |  fax 528 4401  |  Hafa samband  |  Skilmálar