Persónuverndaryfirlýsing

Með því að veita okkur persónuupplýsingar, til dæmis í gegnum síma, tölvupóst, heimasíðu eða samfélagsmiðla, gefur þú samþykki þitt fyrir því að við söfnum og notum upplýsingarnar. Við leggjum áherslu á að gæta upplýsinga sem þú lætur okkur í té með öruggum og ábyrgum hætti og í samræmi við lög um persónuvernd og meðferð persónuupplýsinga.

Upplýsingar sem við söfnum

Til að tryggja að við getum tekið við frjálsum framlögum og veitt þeim sem styðja starfið upplýsingar um árangur verkefna er nauðsynlegt fyrir okkur að safna ákveðnum upplýsingum sem hjálpa okkur að vinna á skilvirkan hátt og tryggja að samskipti við stuðningsaðila okkar séu viðeigandi og sérsniðin að þeim.

Við gætum safnað upplýsingum þegar þú átt samskipti við okkur í gegnum síma, tölvupóst, heimasíðu eða samfélagsmiðla eins og til dæmis þegar þú skráir þig sem Hjálparliða eða gefur frjálst framlag í söfnun. Með því að veita okkur persónuupplýsingar samþykkir þú notkun þeirra upplýsinga í samræmi við þessa yfirlýsingu.

Opinberar upplýsingar, eins og nafn og símanúmer eins og það er skráð í opinberum gagnagrunni, gætum við notað til að kynna verkefni Hjálparstarfs kirkjunnar. Við höfum aldrei samband við bannmerkta í þjóðskrá nema samþykki hafi verið gefið fyrir því í samræmi við þessa yfirlýsingu.

Upplýsingarnar sem við söfnum ráðast af því hvernig samskipti þú átt við okkur. Þegar þú til dæmis skráir þig sem Hjálparliða skráum við í flestum tilfellum nafnið þitt, heimilisfang, netfang, símanúmer, fæðingardag, kyn (þegar það er viðeigandi) og bankaupplýsingar. Við gerum þetta til þess að taka við mánaðarlegum stuðningi þínum og til þess að veita þér reglulegar upplýsingar um verkefnin sem við vinnum að. Þú getur alltaf kosið að við höfum ekki samband við þig.

Ábyrg notkun upplýsinga

Tilgangur upplýsingaöflunar er að bæta samskipti við fólk sem styður starfið. Við gætum haft samband við þig með bréfpósti, síma, tölvupósti eða SMS-i. Þú getur hvenær sem er gert breytingar á því hvernig samskipti þú átt við okkur eða óskað eftir því að við eigum ekki samskipti við þig, einfaldlega með því að hafa samband við okkar.

Þær upplýsingar sem þú veitir okkur getum við meðal annars notað til þess að senda þér upplýsingar sem þú hefur óskað eftir, taka við framlagi þínu og staðfesta eða breyta greiðsluupplýsingum, athuga hvort við getum veitt þér aðstoð eða leyst vandamál sem þú hefur rekist á til dæmis á heimasíðunni okkar, ganga frá pöntunum, afhenda vörur og eiga samskipti við þig um pantanir til dæmis þegar þú kaupir Gjöf sem gefur eða minningakort, deila með þér upplýsingum um verkefni Hjálparstarfs kirkjunnar og þau áhrif sem stuðningur þinn hefur og hvernig er hægt að hjálpa frekar. Að lokum notum við upplýsingarnar til að sníða samskiptaefni okkar og vefsíðu betur að þeim sem styðja starfið og veita þannig persónulega þjónustu.

Við kaupum þjónustu frá samstarfsaðilum og þjónustuveitendum til að geyma gögn og persónuupplýsingar með öruggum hætti. Hér er til dæmis átt við hýsingu á vefsíðu og vefverslun, greiðsluþjónustu, þjónustu við gagnagrunn og samskiptakerfi. Þessir samstarfsaðilar starfa eftir kröfum okkar og fyrirmælum um öryggi þitt og munu ekki nota upplýsingarnar þínar í eigin tilgangi. Við leggjum áherslu á að tryggja öryggi upplýsinga þinna og við munum aldrei selja upplýsingar þínar til annarra stofnana eða fyrirtækja.

Við notfærum okkur þjónustu samfélagsmiðla fyrir stafræna markaðssetningu. Ef þú vilt ekki sjá sérsniðnar auglýsingar frá okkur á samfélagsmiðlum ráðleggjum við þér að fylgja leiðbeiningum viðkomandi vefsíðna eða forrita.

Ef þú hefur gefið upp greiðsluupplýsingar, svo sem kreditkortanúmer eða númer bankareiknings, til þess að skrá þig sem Hjálparliða, gefa frjálst framlag eða versla Gjöf sem gefur eða minningarkort, þá þarf Hjálparstarf kirkjunnar að miðla þeim upplýsingum til banka eða kortafyrirtækis sem annast greiðslumiðlun til þess að geta gengið frá greiðslu þinni. Með því að veita okkur þessar greiðsluupplýsingar gefur þú samþykki þitt fyrir því. Starfsmaður Hjálparstarfs kirkjunnar sem hefur aðgang að slíkum upplýsingum skilur mikilvægi þess að tryggja öryggi þeirra á öllum stundum, fær þjálfun í því og starfar eftir skýrum verkferlum.

Hjálparstarf kirkjunnar hlítir lögum og reglum hverju sinni. Komi upp dæmi um ólögmæta háttsemi, gætum við þurft að deila persónuupplýsingum með viðeigandi aðilum, til að vernda hagsmuni þína og Hjálparstarfs kirkjunnar.

Örugg geymsla upplýsinga

Við gerum viðeigandi ráðstafanir um örugga geymslu persónuupplýsinga sem þú velur að deila með okkur. Við tryggjum að viðbótar öryggisráðstafanir séu til staðar fyrir fjárhagslegar og viðkvæmar upplýsingar og uppfyllum reglubundnar og lagalegar kröfur um hvernig fara á með slíkar upplýsingar.

Við geymum persónuupplýsingarnar þínar eins lengi og nauðsynlegt er fyrir starfsemi Hjálparstarfs kirkjunnar og samskipti okkar við stuðningsaðila. Við geymum upplýsingar um þig til þess að geta veitt þér þá þjónustu, vörur og upplýsingar sem þú hefur beðið um, til þess að eiga viðeigandi samskipti við þig og til að tryggja að við höfum ekki samband við þig ef þú hefur beðið okkur um að gera það ekki og til þess að geta fylgt lögum og reglum. Þú getur alltaf beðið um að slíkum samskiptum sé hætt eða upplýsingum eytt.

Þú getur óskað eftir afriti af þeim persónuupplýsingum sem við geymum um þig á grundvelli 18. gr. laga nr. 77/2000 um persónuvernd og meðferð persónuupplýsinga. Vinsamlegast sendu lýsingu á þeim upplýsingum sem þú vilt óska eftir ásamt staðfestingu á auðkenni þínu á skrifstofuna að Háaleitisbraut 66, neðri hæð Grensáskirkju. Skrifstofan er opin virka daga klukkan 9 – 15.

Hafir þú af einhverjum ástæðum athugasemdir við persónuverndaryfirlýsingu okkar eða óskar eftir frekari upplýsingum er þér velkom­ið að hafa samband við okkur í gegnum tölvupóst til gjofsemgefur@gjofsemgefur.is eða síma 5284400.