Gladys Oliyabu er lukkulegur geitaeigandi! Hún fékk upphaflega tvær geitur og hún segir brosandi frá hvernig skepnuhaldið hefur breytt aðstöðu hennar. „Fljótlega eftir að ég fékk geiturnar eignaðist ein þeirra kiðling og bráðlega gat ég selt afkvæmið. Ég notaði ágóðann til þess að endurnýja húsið mitt þar sem ég er ekkja. Ég hélt líka svolitlu eftir til þess að opna sparireikning. Taðið sem geiturnar gefa frá sér nota ég á grænmetisgarðinn minn og mjólkina gef ég börnunum.”