Snyrtisett

Með framlagi þínu – hvort sem þú ert gefandi eða þiggjandi þessa gjafabréfs – tryggir þú ungu fólki í fátækrahverfum Kampala tækifæri til betra lífs.

Í höfuðborg Úganda njóta börn og ungmenni sem búa í fátækrahverfum stuðnings svo þau fái lifað mannsæmandi lífi. Eftir ársnám í iðngreinum og lífsleikni fer unga fólkið í starfsnám eða kemur sér upp þjónustubás í borginni. Stúlkurnar velja margar að leggja fyrir sig hárgreiðslu og snyrtingu og við útskrift úr náminu fá þær snyrtisett sem þær geta notað til að afla sér tekna sem duga þeim til framfærslu. Smám saman verður lífsafkoman betri.