Öruggur nætursvefn

Með framlagi þínu – hvort sem þú ert gefandi eða þiggjandi þessa gjafabréfs – tryggir þú ekki aðeins góðan nætursvefn heldur líka tækifæri til betra lífs.

Í sveitinni njóta börn sem hafa misst foreldra úr alnæmi stuðnings svo þau fái lifað mannsæmandi lífi. Rúm til að sofa í, hlýtt teppi og móskítónet sem heldur flugunum úti tryggir góðan nætursvefn og leggur grunninn að betri heilsu barnanna. Þegar heilsan er góð eiga yngri börnin auðveldara með að stunda námið og eldri börnin geta farið að vinna og séð yngri systkinum sínum farborða. Smám saman verður lífsafkoman betri.