Hjálpargögn

Með framlagi þínu – hvort sem þú ert gefandi eða þiggjandi þessa gjafabréfs – aðstoðar þú fólk í neyð vegna náttúruhamfara og stríðsátaka.

Þegar mannslíf eru í hættu vegna náttúruhamfara eða stríðsátaka er brýnt að aðstoð berist svo fljótt sem verða má. Tryggja þarf öruggt húsaskjól, vatn og hreinlætisaðstöðu, fæðuöryggi jafnt sem sálrænan og félagslegan stuðning. Börnin þurfa að komast aftur í skólann og allir að hafa aðgengi að heilsugæslu. Aðstoð er veitt svo fólk geti séð sér farborða og hjálpað sér sjálft á nýjan leik. Með þínum stuðningi fær fólkið tækifæri til að lifa með reisn.