Tré

Loading

Með framlagi þínu – hvort sem þú ert gefandi eða þiggjandi þessa gjafabréfs – heftir þú jarðrof og tryggir betri næringu.

Í Eþíópíu starfar Hjálparstarf kirkjunnar með fjölskyldum sem búa við mjög slæm skilyrði á þurrkasvæðum að því að tryggja fæðuöryggi þeirra. Tré skapa skugga fyrir fólk og nytjajurtir. Þau laða að gagnleg skordýr, draga til sín vatn og varna foki og að jarðvegi skoli burt í rigningum. Ávaxtatré eru búhnykkur bæði til þess að gera fæðu fjölskyldunnar fjölbreyttari og til þess að afla tekna með sölu.

Hjálp til sjálfshjálpar á þurrkasvæðum í Eþíópíu

Stærsta verkefni Hjálparstarfs kirkjunnar í þróunarsamvinnu er með sárafátæku fólki sem býr á miklum þurrkasvæðum í Sómalífylki í austanverðri Eþíópíu. Betur stæðir bændur eiga kameldýr, nautgripi, kindur og geitur og þar sem skilyrði eru til rækta bændurnir maís, hirsi, hveiti, grænmeti og ávexti. Vatnsskortur í héraðinu veldur hins vegar sárri fátækt meðal sjálfsþurftarbænda þar. Þegar lítið sem ekkert rignir á hefðbundnum regntíma verður uppskeran rýr og fátæktin sífellt sárari. Þegar loksins rignir er jarðvegurinn orðinn grjótharður og regnvatnið nær ekki að næra hann en rífur með krafti sínum ræktarland í sundur.   

Hjálparstarf kirkjunnar starfar með fjölskyldum sem búa við mjög slæm skilyrði í héraðinu að því að tryggja fæðuöryggi þeirra. Meginmarkmið verkefnisins eru að bæta aðgengi að drykkjarhæfu vatni, að fólkið geti aukið fæðuöryggi sitt með umhverfisvernd og bættum aðferðum í landbúnaði og að styrkja stöðu kvenna, samfélaginu öllu til farsældar.   

Bændurnir fá verkfæri og þurrkþolin fræ til ræktunar ásamt fræðslu um skilvirkar aðferðir í ræktun. Dýraliðar fá þjálfun í að meðhöndla dýrasjúkdóma og bólusetja búfé með bóluefni sem Hjálparstarf kirkjunnar útvegar. Í framhaldi af fræðslu skipuleggur fólkið landgræðsluhópa sem planta trjágræðlingum og reisa stíflur og veggi í árfarvegum til að hefta jarðrof.

Verðin á gjafabréfunum hér á síðunni eru táknræn en andvirði þeirra rennur til verkefnisins í heild, þar með talið til þess að hefta jarðrof og tryggja fæðuöryggi fjölskyldnanna.

Svona virka gjafabréfin

Þú velur gjafabréf og skrifar kveðju til viðtakanda þess

svona-b

Við sendum gjafabréfið til þín rafrænt eða prentum það fyrir þig

svona-c

Saman tryggjum við fólki tækifæri til betra lífs

Sögur úr starfinu

Previous
Next