Taupoki með tilgang

Loading

Með framlagi þínu – hvort sem þú ert gefandi eða þiggjandi þessa gjafabréfs – tekur þú þátt í valdeflingu og umhverfisvernd.

Á Íslandi starfar Hjálparstarf kirkjunnar með konum úr hópi innflytjenda og flóttafólks sem eiga á hættu að einangrast félagslega. Í saumaverkefninu „Taupokar með tilgang“ fá þær tækifæri til að hitta aðrar konur, læra að sauma með því að búa til fjölnota innkaupapoka og borða saman hádegismat. Til pokagerðarinnar nota konurnar efni sem Hjálparstarfið hefur fengið að gjöf og hefur þegar verið notað. Með saumaskap sínum stuðla konurnar þannig að endurnýtingu efnis og umhverfisvernd um leið og þær njóta samverunnar.

Valdefling og aukin virkni fólks í félagslegri neyð á Íslandi

Á Íslandi veitir Hjálparstarf kirkjunnar fólki sem býr við fátækt aðstoð í neyðartilfellum ásamt því að beina fólki þangað sem það getur vænst aðstoðar sem stofnunin veitir ekki beint. Hjálparstarfið leggur ríka áherslu á að tryggja velferð barna og því er sérstaklega hlúð að barnafjölskyldum.

Starfið felst í því að greina vandann, veita félagslega ráðgjöf og efnislegan stuðning. Það felst einnig í valdeflingu sem leiðir til sjálfshjálpar þeirra sem starfað er með og í því að tala máli þeirra sem í nauðum eru staddir svo samfélagið taki tillit til þarfa þeirra og réttinda og að gripið verði til aðgerða sem breyta lífsmöguleikum þeirra til hins betra.

Með valdeflingarverkefnum er markmið Hjálparstarfs kirkjunnar að aðstoða fólk við að finna styrk sinn og getu til að takast á við erfiðar aðstæður og komast út úr félagslegri einangrun sem oft er fylgifiskur efnaleysis.

Verðin á gjafabréfunum hér á síðunni eru táknræn en andvirði þeirra rennur til verkefna á Íslandi, þar með talið til verkefnisins „Taupokar með tilgang“.

Svona virka gjafabréfin

Þú velur gjafabréf og skrifar kveðju til viðtakanda þess

svona-b

Við sendum gjafabréfið til þín rafrænt eða prentum það fyrir þig

svona-c

Saman tryggjum við fólki tækifæri til betra lífs

Sögur úr starfinu

Previous
Next