Með framlagi þínu – hvort sem þú ert gefandi eða þiggjandi þessa gjafabréfs – gleður þú barn á jólum.

Á Íslandi leggur Hjálparstarf kirkjunnar ríka áherslu á að aðstoða fjölskyldufólk sem býr við kröpp kjör fyrir jólin svo það geti gert sér dagamun yfir hátíðirnar. Aðstoðin er fyrst og fremst í formi inneignarkorta fyrir matvöru en fólk getur einnig sótt sér notaðan fatnað og fær jafnvel aðgöngumiða í leikhús og/eða bíó og inneignarkort hjá vinsælum veitingastöðum meðal barna og unglinga. Þá fá foreldrar í félagslegri neyð einnig aðstoð svo börnin fái jólafatnað og jólagjafir.