Eldhúsáhöld

Loading

Með framlagi þínu – hvort sem þú ert gefandi eða þiggjandi þessa gjafabréfs – tryggir þú börnunum ekki aðeins hreinlæti og næringu heldur líka tækifæri til betra lífs.

Í sveitinni í Úganda njóta börn sem hafa misst foreldra úr alnæmi stuðnings svo þau fái lifað mannsæmandi lífi. Eldhúsáhöldin og fræðsla um mikilvægi hreinlætis eru liður í því að tryggja heilsu barnanna. Þegar heilsan er góð eiga yngri börnin auðveldara með að stunda námið og eldri börnin geta farið að vinna og séð yngri systkinum sínum farborða. Smám saman verður lífsafkoman betri.

Aðstoð við munaðarlaus börn í Úganda

Í sveitahéruðum í Úganda aðstoðar Hjálparstarf kirkjunnar börn og annað fólk sem býr við sára fátækt vegna HIV og alnæmis. Börnin hafa mörg hver misst foreldra sína og búa ein. Önnur búa með veikburða HIV-smituðum foreldrum eða aldraðri ömmu sem er illa fær um að sjá börnunum farborða. Áhersla er lögð á að bæta lífsskilyrði fólksins sem býr í hriplekum hreysum við nístandi skort.

Reist eru íbúðarhús sem eru útbúin grunnhúsbúnaði og eldaskála með hlóðum sem spara eldsneyti. Reistir eru kamrar við hlið húsanna og fólkið fær fræðslu um samband hreinlætis og smithættu og hvernig bæta má hreinlætisaðstöðu. 

Aðgangur að hreinu vatni er aukinn með því að koma upp 4000 lítra vatnssöfnunartönkum við hlið íbúðarhúsanna. Fjölskyldurnar og nágrannar þeirra nota vatnið úr tönkunum yfir þurrkatímann í stað þess að fara marga kílómetra eftir drykkjarvatni í næsta vatnsból auk þess sem vatnið úr vatnsbólunum er oftast saurmengað. 

Þegar börnin þurfa ekki að fara eftir vatni um langan veg hafa þau tíma til að sækja skólann. Hættan á kynferðislegri misnotkun minnkar einnig þegar stúlkur þurfa ekki að fara fjarri heimilinu eftir vatni í morgunsárið.

Fólkið fær geitur, verkfæri, fræ og útsæði til grænmetisræktunar, allt í þeim tilgangi að auka fæðuval og möguleika fjölskyldnanna á að afla sér tekna. Með fjölbreyttari fæðu verður heilsufar fólksins betra og með tekjum aukast líkur á að börnin geti sótt skóla og fengið menntun. Með aukinni menntun minnka líkur á að stúlkur verði gefnar barnungar í hjónaband og eignist börn sjálfar. Með þínum stuðningi er vítahringur fátæktar rofinn.

Verðin á gjafabréfunum hér á síðunni eru táknræn en andvirði þeirra rennur til verkefninsins í heild, þar með talið til þess að útvega fjölskyldunum eldhúsáhöld.

Svona virka gjafabréfin

Þú velur gjafabréf og skrifar kveðju til viðtakanda þess

svona-b

Við sendum gjafabréfið til þín rafrænt eða prentum það fyrir þig

svona-c

Saman tryggjum við fólki tækifæri til betra lífs

Sögur úr starfinu

Previous
Next